Eliza & Marco, nagbahagi ng 'PBB' lessons

Ang "What's Up, Madlang People" chant, binigyan ng bagong tunog ng mga OGs sa kantahan, na sina Mark Bautista at Christian Bautista. Kung sa summer, perfect combo ang beach at shake, ice cream at tinapay, perfect combo rin ang boses nina Mark at Christian! Kaya, let's go and let's jam! Hindi drawing ang pagdating nina ex-"PBB Collab 2.0" housemates Eliza Borromeo at Marco Masa, na naki-join sa mga fun games sa 'Laro Laro Pick' game arena. Pero bago ang laro, catch up muna! Ibinahagi ng dalawa ang natutunan nila sa Bahay Ni Kuya. Naintriga naman si Kim Chiu sa bulaklak na natanggap ni Eliza noong V-Day. Spill the tea, Eli! Kinilala rin ng hosts si player Jelvs, na super kilig nang kantahan ng crush niyang Chinita Princess na "nawawala ang mata 'pag tumatawa." Biro ni Jhong Hilario, nainggit siya dahil kapag siya'y tumawa, mata niya'y "lumuluwa." Si Negs ang umabante sa jackpot round sa tulong ni Darren Espanto. Pero nasa mga kamay at diskarte niya nakasalalay kung maiuuwi ba niya ang P100k POT money. 'Yun nga lang ay hindi umayon sa kanya ang POT, dahil hindi niya nasagot ang tanong tungkol sa 'strait' na ipinasara nitong March 2 dahil sa kasalukuyang mga kaganapan sa Middle East. Nag-uumapaw ang feels sa 2nd day ng Region 6 bakbakan sa ika-10 taon ng 'Tawag Ng Tanghalan.' Sina Darren Espanto, Ogie Alcasid at Marielle Montellano ang umupo bilang mga hurado. Unang sumalang ang vocal coach na si Jelan. Kung vocal prowess ang usapan, ibinuhos niya ang lahat sa pagkanta ng "Who You Are" ni Jessie J. Komento ng mga hurado, kailangan pa ng kaunting polishing sa performance, probably sa phrasing, support and vocal agility. "The projection could improve pa... at breath control kung paano niya i-a-approach ang notes," sabi ni Mariel. Ang ikalawang kalahok ay si Melvin, na maraming suki sa pagtitinda ng isda. Bumenta rin sa mga hurado ang pagkanta niya ng "Ikaw." Para sa mga hurado, walang duda sa galing at ganda ng boses ni Melvin, pero napansin nila na may kulang sa matataas na nota. Nevertheless, good performance pa rin. Si Jelan ang itinanghal na panalo sa score na 92.3%. Hindi naman nalalayo ang grado ni Melvin na 92%. #ItsShowtimeOnline #ItsShowtimeFullEpisode #ABSCBNEntertainment #ShowtimeMarSoSaya